काठमाडौँ । राष्ट्रिय मानवअधिकार आयोगले काठमाडौँ महानगर पालिका नगर प्रहरीबात हटाइएका   वास्तविक पीडित र साना सडक व्यवसायीको पहिचान गरी उनीहरुलाई पेशा र रोजगारीको वैकल्पिक व्यवस्था गर्न सरकार र काठमाडौँ महानगरपालिको ध्यानाकर्षण गराएको छ ।

आयोगले बुधबार आज जारी गरिएको विज्ञप्तिमा फुटपाथ व्यवसायीले गरिखानु पाउनु , पर्छ भन्ने पक्षमा लगातार उभिएर नौ आन्दोलन गर्दै आएका अभियन्ता ईः को जीवन रक्षाका लागि समेत  जीवन रक्षाका लागि पहल गर्न सरकारसँग आग्रह गरेको हो  ।

यस्तै आयोगले जारिगरेको बिज्ञप्तिमा बनेको छ  ‘आफ्नो स्वास्थ्य र जीवन नै जोखिममा पारी कठिन प्रदर्शन नगर्न र प्रर्दशनका अन्य विकल्प खोज्न आयोग सम्बन्धित पक्षलाई पनि आग्रह गर्दछ ’, ।

ईःले विगत ८ दिनभन्दा बढी समयदेखि काठमाण्डु महानगरपालिकाको कार्यालय भृकुटीमण्डपस्थित राष्ट्रिय सभागृहको गेटमा अमानवीय र क्रुरतापूर्वक हटाइएका फुटपाथ व्यवसायीलाई विकल्प दिन माग गर्दै उभिएर धर्ना दिँदै आएका छन् ।

आयोगका अनुसार ई राति १२ बजेदेखि ५ बजेसम्म कुर्सीमा बस्ने र बाँकी समय लौरो टेकेर उभिने गरेका छन् । विगत आठ दिनदेखि उभिएर धर्ना दिएका कारण उनका दुवै खुट्टा अस्वाभाविक रुपमा सुन्निएको आयोगको भनाइ छ ।

आयोगले ईः ले साना सडक व्यवसायीलाई विकल्पसहित व्यवस्थापन गर्नुपर्ने माग मानवअधिकार उपभोगसँग प्रत्यक्ष सरोकार राख्ने विषय भएकाले उक्त मागमा संवेदनशील बन्न सरकार र महानगरलाई भनेको छ । आयोग सदस्य लिली थापा नेतृत्वको टोली मंगलबार सभागृह पुगेर उनको स्वास्थ्य अवस्थाबारे जानकारी लिएको थियो ।