काठमाडौं । नेपालको मच्छिन्द्र फुटबल क्लब एएफसी कप छनोट चरणबाट बाहिरिएको छ । भारतको कोलकाताको साल्ट लेक रङ्गशालामा भारतको मोहन बगान सुपर जायन्टसँग भएको खेलमा नेपाली टोली पराजित भएको हो ।

खेलमा मच्छिन्द्र क्लब मोहन बगानसँग ३–१ गोलले पराजित थियो । यो हारसँगै मच्छिन्द्र क्लब एएफसी कप छनोट चरणबाटै बाहिरिन बाध्य भएको छ । मोहन बगानका अनवर अलीले २ तथा जेसन कमिङ्ग्सले १ गोल गरे । मच्छिन्द्रका लागि मेसुके ओलोमोउले एक गोल गरे ।

मच्छिन्द्रले पहिलो चरणमा भुटानको पारो एफसीलाई ३–२ गोलले हराउँदै दोस्रो चरणमा पुगेको थियो । ‘ए’ डिभिजन लिग फुटबलको च्याम्पियन चर्च ब्वाइजसँग क्लब लाइसेन्स नभएकै कारण उपविजेता मच्छिन्द्रले मौका पाएको थियो ।