अनलाइन डबली
काठमाडौं । राष्ट्रपति रामचन्द्र पौडेलले अनुचित लेनदेन (मिटरब्याज) सम्बन्धी विधेयक प्रमाणीकरण गरेका छन् । शुक्रबार राष्ट्रपति पौडेलले ‘मुलुकी संहिता सम्बन्धी केही नेपाल ऐनलाई संशोधन गर्ने विधेयक, २०८०’ प्रमाणीकरण गरेको राष्ट्रपति कार्यालयले जानकारी दिएको छ ।
विधेयक संसदका दुबै सदनबाट पास भई प्रमाणीकरणका लागि शीतलनिवास पुगेको थियो । राष्ट्रपतिले प्रमाणीकरण गरेपछि विधेयकले कानुनको रुप लिएको छ ।
राष्ट्रिय सभामा उत्पत्ति (५ असार २०८० मा दर्ता) भएको यो विधेयक १५ असार २०८० मा पारित भएर राष्ट्रिय सभामा गएको थियो । ३१ असार २०८० मा प्रतिनिधिसभाले संशोधन सहित पारित गरेको विधेयकलाई १० साउनमा राष्ट्रिय सभाले सर्वसम्मत रुपमा स्वीकार गरेको थियो ।
वर्षाैदेखि मिटरब्याज पीडितले न्याय पाउने बाटो खुलेको छ । सामन्ती व्यवस्थाको अवशेषको रुपमा रहेको मिटरब्याजबाट लाखौं सर्वसाधारणले घरबारविहीन बनेका छन् ।
मिटरब्याज सम्बन्धी विधेयक फेल गराउन संसद अवरुद्धदेखि सडकमा नाराबाजी गरिएको थियो । प्रचण्ड नेतृत्वको सरकारको यो अर्को सफलता हो ।
