अनलाइन डबली
काठमाडौं । कोशी प्रदेश सरकारविरुद्धको मुद्दाको फैसला आज आउने भएको छ । मुख्यमन्त्री नियुक्ति असंवैधानिक रहेको भन्दै सर्वोच्च अदालतमा दायर भएको रिट निवेदनमाथिको सुनुवाई हिजो सकिएको भएपनि समय अभावका कारण फैसला आउन सकेन ।
सभामुख बाबुराम गौतमले नेपाली काँग्रेस संसदीय दलको नेता उद्धव थापालाई नियुक्तीमा गरेको हस्ताक्षर गैरसंवैधानिक भएको बताउँदै नेकपा एमाले सर्वोच्च पुगेको थियो ।
एमाले नेता हिक्मत कार्कीले दायर गरेको रिटमाथि बुधबार सर्वोच्च अदालतका न्यायाधीशहरु ईश्वरप्रसाद खतिवडा, डा. आनन्दमोहन भट्टराई र तिलप्रसाद श्रेष्ठको पूर्ण इजलासमा उक्त रिट निवेदनमाथिको बहस सकिएको थियो ।
फैसला नहुँदासम्म निरन्तर सुनुवाइ गर्न सर्वोच्चकै आदेशका कारण आज फैसला आउनै पर्छ । कोशी प्रदेश सरकारको भविश्य सर्वोच्चको फैसलासँग जोडिएको छ ।
पूर्व मुख्यमन्त्री तथा एमाले संसदीय दलका नेता हिक्मतकुमार कार्कीले असार २२ गते सभामुख बाबुराम गौतमको समेत हस्ताक्षर गरेको भन्दै कार्कीले प्रदेश प्रमुख पर्शुराम खापुङ, मुख्यमन्त्री थापा र सभामुख गौतमलाई विपक्षी बनाएर रिट निवेदन दिएका थिए ।
प्रदेशसभामा ९० सांसद छन् । सरकार गठनको लागि ४७ सांसद आवश्यक पर्छ तर गठबन्धन र एमाले नेतृत्वमा रहेका दलसँग ४६-४६ सांसद भएर बराबरीको अवस्था भएको थियो ।
बराबरी अवस्था सिर्जना भएपछि सभामुख गौतमले थापाको पक्षमा मतदान गरेका थिए । बराबरी हुँदा सभामुखले मतदान गर्न सक्ने विगतको नजिर छ ।
