अनलाइन डबली
सर्लाही । नेपाली काँग्रेसका केन्द्रीय सदस्य रामहरि खतिवडाले मधेस काँग्रेसको उर्भरा भूमी भएको बताएका छन् । मधेस, पहाड र सबै जाति र धर्मको प्रतिनिधित्व काँग्रेसले गरेको भन्दै खतिवडाले समावेशीतालाई काँग्रेसले पार्टीमा लागू गरेर स्थापित गरेको समेत दाबी गरे ।
नेपालको पहिलो राष्ट्रपति मधेसीको छोरो नै काँग्रेसले नै बनाएको भन्दै उनले राज्य र पार्टीका विभिन्न निकायमा समावेशी सिद्धान्त अनुसार प्रतिनिधित्व गराएको बताए ।
सर्लाही क्षेत्र-४ को क्षेत्रिय सम्मेलनमा बोल्दै खतिवडाले काँग्रेस राष्ट्रवादी शक्ति भएको समेत बताए । “काँग्रेस राष्ट्रवादी पार्टी हो, अरुले पार्टीले विदेशीमा फोटो राख्छन्, हामीले नेपालको पहिलो जननिर्वाचित प्रधानमन्त्री विपीको फोटोमा माल्यपर्ण गरौं । यसले पनि देखाउँछ राष्ट्रवादी र देशभक्ती हो भन्ने कुरा” खतिवडाले भने ।
मधेसी जनताले आफ्नो शक्ति को भन्ने कुरा पनि बुझ्न जरुरी भएको बताए । “मधेसी जनताले आफ्नो भविश्यको लागि लड्न पार्टी को भन्ने कुरा बुझ्नुपर्छ, पारी बसेर नेपालमै ढुंगा हान्नेहरु मधेसी जनताको हितमा काम गर्दैनन्” खतिवडाले भने ।
