अनलाइन डबली
काठमाडौं । रुसी राष्ट्रपति भ्लादिमिर पुटिनले युक्रेनले अमेरिकाले दिएको क्लस्टर बम प्रयोग गरे त्यसको जवाफ दिने हतियार आफ्नो देशसँग पनि रहेको चेतावनी दिएका छन् ।
अमेरिकाले युक्रेनलाई प्रतिबन्धीत क्लस्टर बमसहितका घातक हतियार दिएको थियो । क्लस्टर बमबारे पुटिनले पहिलो पटक सार्वजनिक अभिव्यक्ति दिएका हुन् । एक अन्तरवार्ताको क्रममा पुटिनले भने, “रसियासँग विभिन्न प्रकारका क्लस्टर हतियारको पर्याप्त भण्डार छ, यदि क्लस्टर बम हाम्राविरुद्ध प्रयोग भएमा त्यसको बदलामा हामी पनि जवाफ दिन सक्छौँ, त्यो हाम्रो अधिकार हो, देशलाई त्यस्ता हतियार आवश्यक परे पनि अहिलेसम्म हामीले त्यसको प्रयोग गरेका छैनौँ ।”
क्लटर बमले नागरिकहरूमा निम्त्याउने दीर्घकालीन जोखिमप्रति सर्वत्र र चिन्ता चासो व्यक्त भएको छ । अमेरिकाले निर्यात गरेका विवादास्पद हतियारहरू लामो समयसम्म विस्फोट नभइ त्यसै रहने हुँदा त्यो जनसाधारणका निम्ति गमभीर जोखिम निम्त्याउने भन्दै विश्वभर विरोध भइरहेको छ ।
यसैबीच, मानवतावादी संस्थाहरूले क्लस्टर हतियारको प्रयोगका निन्दा गरेका छन् । उनीरूले युक्रेनलाई त्यस्ता हतियार उपलव्ध गराउने अमेरिकी निर्णयको पनि भत्र्सना गरेका छन् ।
अमेरिकी राष्ट्रपति जो बाइडेनले युक्रेनलाई त्यस्ता हतियार उपलव्ध गराउने कठिन निर्णय आफूबाट भएको बताएका छन् । युक्रेनको रित्तिएको गोलाबारुद भण्डारलाई भरथेगका निम्ति अप्रिय निर्णय गर्नुपरेको बाइडनले बताउँदै आएका छन् ।
