काठमाडौं । नेपाल सरकारको संस्कृति, पर्यटन तथा नागरिक उड्डयन मन्त्रालयले संवाद डबलीकी उपाध्यक्ष देवकी तिमल्सिना(समिक्षा) भाषा एवम सहित्य विधातर्फ कर्णाली प्रदेशको प्रादेशिक प्रतिभा पुरस्कार–२०७९ द्वारा सम्मानित गरेको छ । शुक्रबार मन्त्रालयले राजधानीमा समर्पण कार्यक्रमको आयोजना गरेर विभिन्न नौ वटा विधामा सातवटै प्रदेशबाट तिमल्सिनासहित ४७ जनालाई सम्मानित गरेको हो ।

कार्यक्रमका प्रमुख अतिथि मन्त्री सुदन किरातीले सम्मान तथा कदर पत्रसहित नगदले श्रष्ठा तथा सर्जकहरुलाई सम्मानित गरेका थिए । विगत लामो समयदेखि भाषा तथा साहित्यको क्षेत्रमा समर्पित रही योगदान पुर्याएकी डबली उपाध्यक्ष तिमल्सिना हुम्ला जिल्ला सर्केगाड ८ रादेउकी स्थायी बासिन्दा हुन् । सम्मानित तिमल्सिनाले सरकारले सम्मानको योग्य ठानेकोमा धन्यबाद दिदै थप जिम्मेवारीको बोध भएको बताइन् ।