अनलाइन डबली
काठमाडौं । दुर्घटनाग्रस्त अवस्थामा भेटिएको मनाङ एयरमा सवार पाँच जनाको मृत्यु भएको पुष्टी भएको छ । प्रहरीका अनुसार घटनास्थलमा पाँच जनाको शव भेटिएको छ । उक्त हेलिकोप्टरमा ६ जना सवार थिए । एक जनाको खोजी कार्य भइरहेको छ ।
मंगलबार बिहान सुर्केबाट काठमाडौंका लागि उडेको मनाङ एयरको हेलिकोप्टर सोलुको लामजुरा नजिकै दुर्घटनाग्रस्त अवस्थामा भेटिएको थियो । हेलिकोप्टरमा चालकसहित ६ जना सवार थिए ।
हेलिकोप्टर दुर्घटनाग्रस्त भएको पुष्टि भएपछि प्रहरी र उद्धारकर्ताहरु सो ठाउँमा पुगेका छन् । अहिले शव ल्याउने हराइरहेको एक जनाको दुर्घटना आसपासमा खोजी भइरहेको छ ।
