अनलाइन डबली
काठमाडौं । कोशी प्रदेशमा नयाँ सरकार गठनको लागि नेकपा माओवादी कन्द्र, नेपाली काँग्रेससहितको गठबन्धनलाई बहुमत पुगेको छ । सुविधाजनक बहुमतको लागि राप्रपालाई पनि गठबन्धनमा सहभागी गराउन गरिएको प्रयास सफल हुन नसकेपछि आज गठबन्धनले दाबी पेश गर्ने तयारी गरेको छ ।
गठबन्धन दलहरुमा नेपाली कांग्रेस, नेकपा (माओवादी केन्द्र), नेकपा (एकीकृत समाजवादी) र जनता समाजवादी पार्टी (जसपा) रहेका छन् । उनीहरुसँग सभामुखसहित ४७ सांसद मात्रै छन् ।
संसदमा बराबरी संख्या भए सभामुखले भोट गर्ने अधिकारी संविधानले दिएको छ । कोशीमा नेकपा एमाले एक्लैसँग ४० सांसद छन् । राप्रपाका ६ जोड्दा ४६ पुग्छ । यता गठबन्धनसँग पनि ४६ सांसद रहेका छन् । एमालेसँग गठबन्धन हुँदा माओवादी केन्द्रबाट बाबुराम गौतम सभामुख बनाइएको थियो ।
गठबन्धनमा काँग्रेस २९, माओवादी केन्द्र १३ (सभामुखसहित), नेकपा (एकीकृत समाजवादी) ४ र जसपासँग १ सांसद छन् ।
कुल ९३ सदस्यीय कोशी प्रदेशसभामा बहुमतका लागि ४७ प्रदेशसभा सदस्य चाहिन्छ ।
