अनलाइन डबली
काठमाडौं । चर्चित ललिता निवास जग्गा प्रकरणमा पक्राउ परेका मिनबहादुर गुरुङ, सुधिरकुमार शाह लगायतको बनदी प्रत्यक्षीकरणको रिट निवेदनमा आज पेशमा चढेको छ ।
केन्द्रीय अनुसन्धान व्यूरो (सीआइबी) को हिरासतमा रहेका गुरुङलाई रिहाईको माग गरिएको रिट सर्वोच्च अदालतका न्यायाधीश डा. आनन्दमोहन भट्टराई र हरिप्रसाद फुयालको संयुक्त इजलासमा पेसी तोकिएको छ ।
रिटमा हदम्याद कटिसकेको मुद्दामा आफूहरुलाई गैरकानुनी रुपमा पक्राउ गरिएको भन्दै सर्वोच्च अदालतमा बन्दी प्रत्यक्षीकरणको रिट निवेदन दिएका थिए ।
यसअघि शुक्रबार सोही रिट निवेदनमाथि न्यायाधीश डा। कुमार चुडालको एकल इजलासमा सुनुवाइ हुँदा कारण देखाउ आदेश जारी भएको थियो ।
इजलासले निवेदकको माग बमोजिम बन्दीप्रत्यक्षीकरणको आदेश किन जारी गर्नु नपर्ने हो भन्ने सन्दर्भमा मनासिब आधार, कारण र प्रमाण भए सो समेत खुलाई बाटोको म्याद बाहेक २४ घण्टाभित्र लिखित जवाफ पेस गर्न गृह मन्त्रालयलाई आदेश दिएको थियो ।
