अनलाइन डबली
काठमाडौं । सरकारले पेट्रोलियम पदार्थको मूल्य घटाएको छ । नेपाल आयल निगमले गएरातिबाट लागु हुने गरी एकै पटक ७ रुपैयाँसम्म मूल्य घटाएको छ ।
निगमले पेट्रोल र डिजेल/मट्टितेलको मूल्य पहिलो, दोस्रो तथा तेस्रो वर्गका लागि क्रमशः प्रतिलिटर ७.५० रुपैयाँ, ६ रुपैयाँ र ५ रुपैयाँले घटाइएको छ ।
नयाँ मूल्यअनुसार भारतसँगको सीमावर्ती क्षेत्रमा पेट्रोल प्रतिलिटर १६७ रुपैयाँ ५० पैसादेखि काठमाडौं पोखरा र दिपायल क्षेत्रमा १७० रुपैयाँसम्म कायम भएको छ । त्यस्तै, डिजेल र मट्टितेलमा १४७ रुपैयाँ ५० पैसादेखि १५० रुपैयाँसम्म मूल्य कायम भएको छ ।
यस्तो मूल्य निगमको डिपोबाट १५ किलोटरसम्मको क्षेत्रमा लागु हुन्छ । भारतीय आयल कर्पोरेसन लिमिटेडबाट १६ आसरमा मूल्य घटेर आएपछि खरिद आधारमा नयाँ मूल्य तोकिएको हो ।
विभागले साविकको आन्तरिकतर्फको हवाई इन्धनमा प्रतिलिटर १४ रुपैयाँ तथा अन्तर्राष्ट्रियतर्फको हवाई इन्धनको खुद्रा बिक्री मूल्यमा प्रति किलोलिटर अमेरिकी डलर ११५ घटाइएको छ ।
निगमले खाना पकाउने एलपी ग्यासको मूल्य भने यथावत राखेको छ ।
नेपाल सरकारद्वारा उपलब्ध गराइएको ऋण तथा मूल्य स्थिरीकरण कोष लगायतका अन्य दायित्वहरुको व्यवस्थापन गर्नुपर्ने अवस्था रहेको भएपनि आम उपभोक्ताको हितलाई मध्यनजर गर्दै मूल्य समायोजन गरेको निगमले विज्ञप्तिमार्फत जानकारी गराएको छ ।
यो सँगै महंगी र यातायातको भाड घट्नेछ ।
