काठमाडौं । साफ च्याम्पियनसिपको ए समूह चरणको अन्तिम खेलमा कुवेत विजेता बनेको छ । भारतमा भइरहेको खेलको पहिलो हाफमा कप्तान सुनिल क्षेत्रीले गोल गरी अग्रता लिए पनि भारतले अग्रता जोगाउन सकेन ।

खेलमो इन्जुरी समयमा अनवर अलिले आत्मघाती गोल गरेपछि खेल एक–एकको बराबरी भएको थियो । बराबरीपछि कुवेत समूह ‘ए’ को विजेता र भारत उपविजेता बनेको छ ।

दुबै टोली यसअघि नै सेमिफाइनल पुगिसकेका थिए ।

समूह चरणबाट बाहिरिसकेका दुई टोली नेपाल र पाकिस्तानबीच हिजो भएको खेलमा नेपालले पाकिस्तानलाई १–० गोलले हराएको थियो ।