अनलाइन डबली
काठमाडौं । आईसीसी एकदिवसीय विश्वकप क्रिकेटको छनोट अन्तर्गत आज नेपाल र नेदरल्यान्ड्सबीच खेल हुँदैछ । नेपाली समयअनुसार दिउँसो १ बजे जिम्बावेको टाकासिंगा स्पोर्टस् क्लबमा खेल सुरु हुनेछ ।
आजको खेलमा नेपालले जित्नैपर्ने बाध्यता छ । समूह ‘ए’ बाट सुपर सिक्समा पुग्न नेपालले नेदरल्यान्ड्सलाई हराउनुपर्ने छ । पराजित भए नेपाल खेलबाट बाहिरिनेछ ।
आज नेपालले जितेमा र अन्तिम खेलमा पर्सि सोमबार नेदरल्यान्ड्स वेस्ट इन्डिजसँग पराजित भए नेपाल सुपर सिक्समा पुग्नेछ । नेपाल पहिलो खेलमा जिम्बावेसँग ८ विकेटले पराजित भएको थियो । दोस्रो खेलमा अमेरिकालाई ६ विकेटले हराएको थियो । नेपाल तेस्रो खेलमा वेस्टइन्डिजसँग १ सय १ रनले हारेको थियो ।
समूह ‘ए’ मा दुवै खेल जितेका वेष्ट इन्डिज पहिलो र जिम्बावे दोस्रो स्थानमा छन् । नेदरल्याण्ड्सले २ खेलमा २ अंक जोडेर तेस्रो स्थानमा छ । त्यस्तै ३ खेलमा दुई अंक जोडेको नेपाल चौथो र ३ खेलमा जितविहीन रहेको अमेरिका पुछारमा छ ।
दुबै समूहका शीर्ष तीन टोली सुपर सिक्समा पुग्नेछन् र उनीहरुबीच पुनः प्रतिस्पर्धा हुनेछ ।
