अनलाइन डबली
काठमाडौं । सरकारले अर्को जनपक्षीय निर्णय गरेको छ । सरकारले शुक्रबारदेखि वीर अस्पतालमा ७ सय जनरल बेड बिरामीलाई निःशुल्क गरिएको छ ।
सरकारको निर्देशनमा चिकित्सा विज्ञान राष्ट्रिय प्रतिष्ठान न्याम्सको कार्यकारी पदाधिकारीको निर्णयले सबै जनरल बेड बिरामीलाई निःशुल्क उपलब्ध गराउने निर्णय गरेको छ ।
पदाधिकारी नियुक्तिसँगै सरकारले आर्थिक अभावकै कारण ज्यान जाने अवस्थाको अन्त्य गर्ने उद्देश्यले सरकारले यो निर्णय गरेको हो । सरकारले गरिब र विपन्न वर्गको अस्तापलको रुपमा वीरलाई विकास गर्न खोजेको छ । सेवा विस्तार गरेर भए पनि जनरल बेड निःशुल्क गर्ने निर्णय गरिएको अस्पतालले जनाएको छ ।
अस्पतालका रेक्टर डा. लोचन कार्कीका अनुसार जनरल बेड सबै निःशुल्क गर्दा वार्षिक ५ करोड खर्च हुनेछ । शल्यक्रिया, सिटी स्क्यान लगायतका सेवा बढाउने र खर्चको मितव्ययिता गरेर जनरल बेड निःशुल्क गर्न लागिएको छ ।
