अनलाइन डबली
दाङ , प्रशासन प्रमुख मिनेश श्रेष्ठलाई सोही विद्यालयको दश कक्षामा पढ्ने किशोरीले आफूलाई यौन दुर्व्यवहार गरेको आरोप लगाएकी हुन् । ‘को को सँग बोल्छेस् कुरा गर्छेस् भन्दै कुममा हात राखेर यताउति गरेको र कोही साथीलाई भनेमा मार्दिन्छु भन्नुभयो ।’
उनले सामाजिक सञ्जाल फेसबुकमा लेखेकी छन्,‘ यो मान्छे होइन, जनाबर हो । जनावर राम्रो हुन्छ योभन्दा ।’ विद्यार्थीले प्रशासन प्रमुखले यौन दुर्व्यवहार गरेको आरोप लगाएपछि विद्यालयमा हङ्गामा भएको छ ।
विद्यालय व्यवस्थापन समितिका अध्यक्ष विकास चौधरीले यसविषयमा आफू गम्भीर भएको बताउँदै दुवैपक्षका कुरा सुनेर के गर्ने भन्ने निष्कर्षमा पुग्ने बताए । ‘यो निकै गम्भीर विषय हो ।’ उनले भने ,‘हामीले मिनेस सरसँग सोध्यौँ । उहाँले आफूले उनलाई सम्झाइबुझाइ गरेको तर, दुर्व्यवहार गरेको छैन भन्नुभएको छ ।’ अध्यक्ष चौधरीका अनुसार विद्यार्थीले भनेको घटना प्रशासन शाखामा भएको हो ।
आरोपित श्रेष्ठले आफू निर्दोष भएको र दुर्व्यवहार गरे नगरेको सिसि क्यामेराको दृश्यले देखाउने बताएका छन् । विद्यालयका अध्यक्ष चौधरीले आज विद्यार्थी, उनका अभिभावक र आरोपितलाई सँगै राखेर सिसि क्यामेरा फुटेज हेरेर थप निर्णय लिने बताएका छन् ।
पीडित परिवारलाई प्रहरीमा उजुरी गर्न रोकिएको छ । पीडितकी आमालाई अहिले विद्यालयमै राखिएको छ । पीडितकी आमाले आफूलाई विद्यालयमै छलफल गर्ने भनेर विद्यालयमै राखिएको बताइन् ।
पीडितकी आमाले जिल्ला प्रहरी कार्यलय दाङमा उजुरी दिएपछि छात्रामाथि यौन दुर्व्यवहारको आरोप लागेका प्रशासन प्रमुख श्रेष्ठलाई पक्राउ समेत गरेको दाङ प्रहरी प्रमुख विरबहादुर वलीले बताएका छन।
