काठमाडौं। हवाई इन्धनको मूल्य घटाएको छ। नेपाल आयल निगमको मंगलबार बसेको संचालक समितिको बैठकले आन्तरिक र बाह्य हवाई इन्धनको मूल्य घटाएको छ ।

निगमले आन्तरिकतर्फ हवाई इन्धनको मूल्य १० रुपैयाँ घटेको छ। अब आन्तरिक तर्फको हवाई इन्धनको मूल्य प्रतिलिटर १५० कायम भएको निगमले जनाएको छ।

त्यसैगरी निगमले बाह्य तर्फको हवाई इन्धनमा प्रतिलिटर २६ रुपैयाँ मूल्य घटाएको छ । अहिले प्रतिलिटर १७७ रुपैयाँ थियो भने अब १५१.११ रुपैयाँ कायम भएको छ।

निगमले प्रति किलोलिटर २०० अमेरिकी डलर घटाएको छ। यसअघिको मूल्य १३५० डलर थियो। अब घटेर ११५० डलर प्रतिकिलोलिटर कायम गरिएको निगमले जनाएको छ।

हवाई इन्धनको मूल्य घटेसँगै अब भाडा पनि घट्ने भएको छ । एयरलाइन्स कम्पनीहरुले मूल्य घटाउनेबारे छलफल थालेका छन् ।