अनलाइन डबली
काठमाडौं । आईसीसी एकदिवसीय विश्व कप छनाेटमा नेपाल र अमेरिकाबीच खेल हुँदैछ । नेपाली समय अनुसार दिउँसो पौने १ बजे हरारेकाे टाकासिंगा स्पाेर्ट्स क्लबमा हुदैछ ।
हिजो भएको खेलमा नेपाल जिम्बाब्वेसँग ८ विकेटले पराजित भएको थियो भने अमेरिका वेष्ट इन्डिजसँग ३९ रनले पराजित भएको थियो । आजकाे खेलमा दुवै टाेली पहिलाे जितकाे खाेजीमा हुनेछन् ।
यसअघि भएका खेलमा नेपालले अमेरिकाभन्दा खेल बढी जित हात पारेको थियो ।
त्यसैगरी अर्काे खेलमा जिम्बावे र नेदरल्यान्ड्स खेल्दैछन् । यी दुईबीचकाे खेल पनि दिउँसाे पाैने १ बजे हरारे स्पाेर्ट्स क्लबमा हुनेछ ।
विश्व कप छनोटमा नेपाल रहेको समूह ‘ए’ मा जिम्बाब्वेसँगै वेस्ट इन्डिज, अमेरिका र नेदरल्याण्ड्स रहेका छन् । नेपालभन्दा निकै बलिया देश भएकाले नेपाललाई पछिल्लो समयको उत्कृष्ट लय कायमै राख्न मुख्य चुनौती छ ।
समूह ‘बी’ मा आयरल्यान्ड, श्रीलङ्का, यूएई, स्कटल्यान्ड र ओमान छन् । दुवै समूहका शीर्ष तीन टोली ’सुपर सिक्स’ मा पुग्नेछन् । ‘सुपर सिक्स’ मा अर्को समूहबाट आउने तीन टोलीसँग प्रतिस्पर्धा हुनेछ । त्यसपछि शीर्ष दुई टोलीले आउँदो अक्टोबरमा हुने विश्व कपमा स्थान बनाउनेछन् ।
