अनलाइन डबली
काठमाडौं । बाढी-पहिरोमा परी ताप्लेजुङ र पाँचथरमा ९ जना बेपत्ता भएका छन् । पनि प्रहरीका अनुसार अविरल वर्षासँगै पाँचथरको हेवा खोलामा आएको बाढीले ९ घर बगाएको छ ।
फिदिम नगरपालिका र हिलिहाङ गाउँपालिका जोड्ने हेवा खोलामा आएको बाढीले ठूलो क्षति पुर्याएको छ । बाढीले फालेलुङ गाउँपालिकाको लुमाङदिन र घुमाउनेमा २ वटा मोटरेबल र एउटा झोलुंगे पुल बगाएको छ ।
प्रहरी घटनास्थल पुगेर विवरण संकलन गरिरहेको छ । क्षतिको विस्तृत विवरण आउन बाँकी छ ।
जल तथा मौसम विज्ञान विभागको मौसम पूर्वानुमान महाशाखाले आज कोशी र गण्डकी प्रदेशका एक–दुई स्थानमा भारी वर्षाको सम्भावना रहेको जनाएको छ ।
महाशाखाका मौसमविद रोजन लामिछानेका अनुसार गत २४ घण्टामा कोशी प्रदेशको ताप्लेजुङमा सबैभन्दा धेरै ५५.२ मिलिमिटर र ताप्लेजुङ स्टेसनमा ५१ मिलिमिटर वर्षा मापन भएको छ ।
