अनलाइन डबली
काठमाडौं । आईसीसी क्रिकेट विश्वकप छनोटको पहिलो खेल नेपाल र घरेलु टोली जिम्बाब्वेबीच खेल हुने भएको छ । जिम्बाब्वेको हरारे स्पोर्टस क्लबमा हुने लागेको खेल नेपाली समय अनुसार दिउँसो १ बजेबाट सुरु हुनेछ ।
खेलमा समूह ए मा रहेको जिम्बाब्वे र नेपालबीच पहिलो पटक खेल हुन लागेको छ । जिम्मबाब्वे टेष्ट मान्यता प्राप्त टीम हो ।
सन् २०१८ मा पनि जिम्बाब्वेमै भएको विश्वकप छनोटमा जिम्बाब्वेसँग खेलेपनि नेपालको ओडीआई मान्यता नभएकोले उक्त खेलले पनि ओडीआई मान्यता पाएको थिएन । विश्वकप छनोट खेल्ने सबै १० टोलीसँग ओडीआई मान्यता छ ।
नेपालले सन् २०१८ मा ओडीआई मान्यता पाएको थियो । त्यसयता नेपालले ५१ ओडीआई खेलिसकेको छ ।
त्यसैगरी नेपालले पहिलो पटक समूह चरणमा जिम्बाब्वेसहित पूर्वविश्व विजेता वेष्ट इन्डिज, नेदरल्याण्ड्स र अमेरिकासँग पनि समूह चरणमा खेल्नेछ ।
नेपालले यस पटक सुपर सिक्समा पुग्ने लक्ष्य राखेको छ । समूहका शीर्ष तीन टोली सुपर सिक्समा प्रवेश गर्नेछन् ।
