अनलाइन डबली
काठमाडौं । युक्रेनका राष्ट्रपति भोलोदिमिर जेलेन्स्कीले रुसविरुद्ध जवाफी आक्रमण सुरु भएको घोषणा गरेका छन् । उनले आफ्नो देश गुमेको भूमि फिर्ता गर्न ठूलाठूला प्रतिकारात्मक आक्रमण सुरु गरेको जेलेन्स्कीले बताएको अन्तर्राष्ट्रिय संचारमाध्यमहरुले जनाएका छन् ।
जेलेन्स्कीको भने, ‘हामीले आत्मरक्षासँगै जवाफी आक्रमण सुरु गरेका छौँ। हाम्रा सेना रुसी सेनालाई धपाउने लक्ष्यका साथ अघि बढिरहेका छन् ।’ यसबारे उनले थप नबताएपनि युक्रेनी सेना बख्मुत र दक्षिणमा जापोरिझियामा अगाडि बढिरहेको बताइएको छ ।
रुसी राष्ट्रपति भ्लादिमिर पुटिनले युक्रेनले जवाफी आक्रमण सुरु गरेको स्वीकार गरेका छन् । सेनाका उच्च अधिकारीसहितको एउटा बैठकमा पुटिनले चुनौतीको सामना गर्न सेनालाई आदेश दिएका छन् ।
युक्रेन अमेरिकाले दिएका एफ–१६ लडाकु जहाज, जर्मनीले दिएका लियोपार्ड– २ ट्याङ्क, बेलायतले दिएका च्यालेञ्जर्स–२ ट्याङ्क लगायत हतियारको भरमा रुससँग आक्रमणमा उत्रिएको छ ।
जेलेन्स्कीको यो घोषणालाई युक्रेन युद्ध वारपारको रुपमा हेरिएको छ । अमेरिकालगायतका पश्चिमा देशहरुले थप हतियार दिन ढिला गरेकै दिन युक्रेन पराजित हुने बताइएको छ ।
