असार १ गतेदेखि भदौ मसान्त सम्म सार्वजनिक सडक खन्न नपाइने भएको छ। संघीय सडक सुपरिवेक्षण तथा अनुगमन कार्यालयले एक सूचना जारी गर्दै असार १ गतेदेखि भदौ मसान्तसम्म सडक खन्न रोक लगाएको हो।

वर्षायाममा धारा, ढल, बिजुली, टेलिफोन आदि प्रयोजनका लागि सडक खन्दा तत्काल मर्मत सम्भार गरी  यथास्थितिमा ल्याउन नसकिने भएकाले सडक नखन्न कार्यालयले निर्देशन दिएको छ।

कसैले जबर्जस्ती सडक खनेको पाइएमा सार्वजनिक सडक ऐन २०३१ अनुसार कडा कारबाही गरिने सुचना मार्फत चेतावनी पनि दिइएको छ।