काठमाडौँ ।राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले नक्कली भुटानी शरणार्थी प्रकरणमा मुछिएका राजनैतिक दलका नेताहरुलाई इंगित गर्दै जनता बेचेर खाने कस्तो कल्पना होला ? यो लज्जास्पद र दुःखदायी भएको बताउनु भएको छ ।
बिहीबार काठमाडौँमा राष्ट्रिय प्रजातन्त्र पार्टीले आयोजना गरेको नक्कली भुटानी शरणार्थी भ्रष्टाचार प्रकरणको विरोधसभामा बोल्दै अध्यक्ष लिङ्देनले नक्कली भुटानी शरणार्थी प्रकरणमा ठूला दलबीच सहमति भएको र विश्व जगत्मा नेपालको बदनाम भएको बाताउनु भयो ।अध्यक्ष लिङ्देनले भन्नु भयो “ जनता बेच्ने भ्रष्टाचार ठूला दलहरूको सर्वदलीय सहमतिमा पुग्नुले विश्वमा नेपालको शिर झुक्ने काम भएको छ । ”
उहाले यो काण्डमा अर्बको भ्रष्टाचार मात्रै नभएर राज्यद्रोह र राज्यविरुद्धको अपराध भएको बताए। उनले भ्रष्टाचारमा संलग्न कुनै पनि मानिसले उन्मुक्ति पाउनु नहुने बताउनु भयो । उहाले अपराधमा संलग्नलाई राज्यविरुद्धको अपराध, ठगी, संगठित अपराध र सरकारी दस्तखत कृत्यसम्बन्धीको अपराध मुद्दाहरू चलाउन सरकार संग आग्रह गर्नु भयो ।
“ एउटा मात्रै काण्डको छानबिनले नपुग्ने , विगतका अन्य ठूलाठूला भ्रष्टाचार काण्डको पनि सरकारले छानबिन गर्नुपर्छ। ” उहाले भन्नु भयो , र राप्रपा कुनै पनि भ्रष्टाचारी उम्कने कुराको पक्षमा नरहेको उल्लेख गर्नु भयो ।