काठमाडाैं । प्रधानमन्त्री पुष्पकमल दाहाल ‘प्रचण्ड’ले भ्रष्टाचारविरुद्ध नयाँ लडाइँमा जनयुद्धमा जसो जनताको साथ चाहिएको बताउनु भएको छ । काभ्रेपलाञ्चोकको महाभारत गाउँपालिकामा सडक तथा ग्रामीण विद्युतीकरण कार्यक्रमकोआज शिलान्यास कार्येक्रममा यस्तो धारणा राख्नु भएको हो ।विकास र समृद्धिबिना अन्यायको अन्त्य र समाजवादको नयाँ युग सुत्रपात गर्न नसकिने बताउदै उहाले भन्नु भयो “यसका लागि हिजोका दिनमा तपाईंहरुले दिएको साथ आज पनि चाहिएको । यसका लागि म तपाईंहरुसँग सहयोगको अपिल गर्न चाहन्छु ।”

“अन्यायमा परेकालाई न्याय, समानता र अधिकार ,  तीन वटा शब्दलाई आफूले सरकारको नेतृत्व सम्हालेदेखि बढी महत्व दिएको उहाले बताउनुभयो ।  “देशमा विसङ्गति, विकृति र भ्रष्टाचारले विकराल रुप लिएको छ, जबसम्म भ्रष्टाचारलाई अन्त्य गरिँदैन नेपाली जनताले सुख र समृद्धिको दिन देख्न पाउने छैनन् ।” प्रधानमन्त्री दाहहले भन्नुभयो ।