अनलाइन डबली
काठमाडौँ । युक्रेनले रुसको राष्ट्रपति भवनमा ड्रोन हमला गरेपछि रुसका राष्ट्रपति भ्लादिमिर पुटिन आक्रोसित भएका छन् । उक्त हमलाको जिम्मा लिँदै युक्रेनका राष्ट्रपति भोलोदिमिर जेलेन्स्कीले थप हमला गर्ने चेतावनी दिएपछि लगत्तै पुटिनले उच्च सुरक्षा अधिकारीलाई नयाँ आदेश दिएका छन् ।
मस्कोस्थित क्रेमलिनमै रहेका पुटिनलाई नै लक्षित गरी ड्रोन हमला भएको रुसी संचारमाध्यमहरुले जनाएका छन् । तर, रडार सिस्टमले उक्त ड्रोनलाई बीचमै खसाएको थियो । भारतीय संचारमाध्यमहरुले प्रसारण गरेको भिडियो फुटेजमा क्रेमलिनस्थित रुसी झण्डा नजिक ड्रोन पुगेलगत्तै रेडार वारफेयर सिस्टमले विस्फोट गराएको छ ।
नजिकै दुई जना हिडिरहेको पनि फुटेजमा देख्न सकिन्छ । रडार सिस्टमले विस्फोट गराइएको ड्रोनमा आगोको लप्का देखिएको छ । संसद भवनमा नजिकै विस्फोट भएपनि क्षति नभएको बताइएको छ ।
रुसले उक्त घटनालाई आतंकवादी हमला भएको भन्दै त्यसको कल्पना गर्न नसकिने जवाफ दिने बताएको छ ।
युक्रेनले लामो दूरीको ड्रोनबाट हमला गरेको हो वा नजिकैबाट उडाइएको हो भन्ने कुरा नखुलेको बताइएको छ । उक्त ड्रोन अमेरिकाले दिएको हो ।
आफ्नो देश छोडेर फिनल्याण्ड पुगेका युक्रेनका राष्ट्रपति जेलेन्स्कीले हमला जारी राख्ने बताएका छन् । उनले आफ्नो देश छोडिसकेको बताइएको छ ।
यसैबीच राष्ट्रपति पुटिनले उच्च अधिकारीलाई आपत्तिकालि बैठकमा जेलेन्स्कीलाई मार्न आदेश दिएको रुसी संचारमाध्यमहरुले बताएका छन् ।
यो घटनाले रुस थप आक्रोसित हुने र युक्रेनमा थप हमला गर्न सक्ने विश्लेषण हुन थालेको छ ।
