अनलाइन डबली
काठमाडौं । पूर्वमाओवादी नेता टोपबहादुर रायमाझीलाई प्रहरीले पक्राउको तयारी गरेको छ । नेकपा एमालेका सचिव समेत रहेका रायमाझी प्रहरीको अनुसन्धान घेराभित्रै रहेको बताइएको छ । प्रहरी स्रोतका अनुसार उनी सुरक्षा घेराभित्रै रहेको र जतिखेर पनि पक्राउ गर्न सक्छन् ।
रायमाझीका छोरा सन्दीप पक्राउ पर्दा गृह जिल्लाको एक कार्यक्रममा सहभागी थिए । उनी काठमाडौं पुगे नपुगेको केही बताउन नचाहेको प्रहरी स्रोतले भन्यो-‘उहाँ हाम्रो घेराभित्रै हुनुहुन्छ, सबै सूचना प्राप्त भइरहेको छ, हाम्रो टोलीले बुझिरहेको छ ।’
भुटानी शरणार्थीको नक्कली परिचयपत्र बनाएर नेपालीलाई अमेरिका पठाउने नाममा ठगेमा मुछिएका रायमाझीलाई काठमाडौं जिल्ला अदालतले पक्राउ पुर्जी जारी गरेको थियो ।
पीडितको बयनका आधामा टोपबहादुर पनि उक्त घटनामा संलग्न भएको प्रहरीले बताएको छ । पीडितलाई नक्कली शणार्थी कार्ड बनाएर अमेरिका पठाइदिन सन्दीपले पैसा लिएको चेक नै सार्वजनिक भएको थियो ।
