काठमाडौँ । आज प्रतिनिधिसभाको बैठक बस्दैछ । संघीय संसद् सचिवालयका अनुसार बैठक दिउँसो ३ बजे बोलाइएको छ । आजको बैठकबाट संसदीय समितिको काम कारबाही सुरु हुनेछ ।

आजको बैठकमा संसदीय सुनवाइ समितिमा रहने सदस्यहरूको नाम मनोनयनका लागि प्रस्ताव गरिनेछ । बैठकमा, प्रतिनिधिसभा नियमावली २०७९ को नियम १८० अनुसार विशेष समिति गठन गर्नका लागि सांसद ईश्वरीदेवी न्यौपानेले प्रस्ताव पेस गर्ने तथा सांसद रघुजी पन्तले समर्थन गर्ने अर्को कार्यसूची रहेको छ ।

त्यसैगरी प्रधानमन्त्री प्रचण्डले संवैधानिक परिषद् (काम, कर्तव्य, अधिकार र कार्यविधि) सम्बन्धी पहिलो संशोधन विधेयक २०७९ माथिको दफावार छलफल गरियोस् भन्ने प्रस्ताव प्रस्तुत गर्ने सम्भावित कार्यसूची रहेको छ । विधेयकलाई आजै निर्णयार्थ प्रस्तुत गरी आजै पारित गर्ने कार्यसूची रहेको संसद सचिवालयले जनाएको छ ।