अनलाइन डबली
काठमाडौँ । त्रिभुवन विमानस्थलबाट उडेको फ्लाइ दुबईको जहाजमा एकाएक ठूलो आवाजसहित आगाेको झिल्को देखियो । असमस्या झिल्को देखिएपछि वरपरको उज्यालो भएको थियो ।
केही समय काठमाडौंको आकाशमा रहेको विमान त्रिभुवन विमानस्थलमा आकस्मिक अवतरणको लागि अनुमति दिइएको थियो तर पाइलटले गन्तव्यतिर जाने जानकारी दिएका छन् ।
यसैबीच संस्कृति, पर्यटन तथा नागरिक उड्डयनमन्त्री सुदन किरातीले विमान गन्तव्यतर्फ गएको बताएका छन् । किरातीले फेसबुकमा लेखेका छन्- फ्लाइ दुबई जहाज सुरक्षित आफ्नो गन्तव्यतिर जाँदैछ, कोही चिन्ता नगर्नुहोला, सबैलाई शुभयात्रा ।
तर अहिले पनि जहाज काठमाडौंकै आकाशमा रहेको बताइएको छ । त्रिभुवन विमानस्थल स्रोतका अनुसार जहाजको एउटा इन्जिन फेल भएको छ ।
जहाज फर्किन सक्ने भन्दै विमानस्थलमा दमकल र एम्बुलेन्सको साथै सुरक्षा दस्ता तयारी अवस्थामा राखिएको छ ।
अहिले विमानस्थलमा इमरजेन्सी साइरन बजिरहेको छ ।
