अनलाइन डबली
काठमाडौँ । कतारी राजकुमारी शेखा अस्मा अल थानीले अन्नपूर्ण प्रथम हिमालको सफल आरोहण गरेकी छन् । कतारको राजपरिवारकी सदस्य थानी अन्नपूर्ण हिमालको सफल आरोहण गर्ने कतारकी प्रथम महिला हुन् ।
इलाइट एक्सपिडिसनमार्फत शनिबार अपराह्न ४ बजे अन्नपूर्णको चुचुरोमा पुगेर थानीले नयाँ रेकर्ड बनाएकी छन् । म्याग्दीमा अवस्थित अन्नपूर्ण प्रथम हिमाल विश्वको दशौँ अग्लो हिमाल हाे ।
इलाइट एक्सपिडिसनका निर्देशक मिङ्मा डेभिड शेर्पाका अनुसार टोलीमा रहेका मिङ्मातेन्जी शेर्पा, दोर्ची शेर्पा र तेजन गुरुङले पनि अन्नपूर्णलाई सफलतापूर्वक आरोहण गरेका छन् ।
राजकुमारी अल थानीले यसअघि सगरमाथा, धवलागिरि, कञ्चनजङ्गा, लोहोत्से, आमादम्बा, मनास्लु, केटु हिमालको आरोहण गरेकी थिइन् ।अन्नपूर्ण हिमाल आरोहणका लागि २०७९ फागुन २२ गते थानी म्याग्दी पुगेकी थिइन् ।
पेसाले चिकित्सक रहेकी थानी हिलाम आरोहणमा विशेष रुची राख्ने गरेकी बताइएको छ ।
विसं १९५० मा फ्रान्सका मौरिस हर्गोजले अन्नपूर्ण पहिलोपटक आरोहण गरेका थिए ।
