काठमाडौं । नयाँ वर्षको सुरुसँगै नेकपा (माओवादी केन्द्र) का अध्यक्ष प्रचण्डले नेता कार्यकर्ताहरुलाई हप्ताको एकदिन छुट्याएका छन् । हरेक हप्ताको शुक्रवार नेता कार्यकर्तालाई भेट्न प्रचण्ड पेरिसडाँडास्थित पार्टी कार्यालयमा भेटघाट गर्ने भएका छन् ।

नयाँ वर्षको पहिलो दिन आजबाट नेता कार्यकर्तालाई पार्टी कार्यालय पुगेर पार्टीका काम र गुनासो सुन्न सुरु गरेका छन् । त्यसको लागि प्रचण्ड आज विहान केन्द्रीय कार्यालय पेरिसडाँडा पुगेका थिए ।

प्रधानमन्त्री भएसँगै पार्टीका कामकारवाहीमा सुस्तता आएको भन्ने चर्चा भएको थियो ।

योसँगै प्रचण्डलाई भेट्न कार्यकर्ताहरुले बालुवाटार र सिंहदरबारको गेटमा पुग्न नपर्ने भएको छ ।