अनलाइन डबली
काठमाडौं । भारतमा कोरोना भाइरसको सङ्क्रमण पुनः बढेको छ । भारतीय संचारमाध्यमहरुका अनुसार नयाँ लहरकै रुप लिन सक्ने विज्ञहरुले बताएका छन् ।
शून्य कोरोनामा बनेको नेपालमा पनि केहीदेखि पुनः संक्रमितको संख्या बढेको छ । भारतमा कोरोना संक्रमित बढ्न थालेपछि सीमा क्षेत्रमा निगरानी बढाइएको छ ।
भारतबाट नेपाल फर्किने समय भएको र उनीहरुबाट कोरोना भाइरस फेरि गाउँगाउँसम्म पुग्ने खतरा बढेको भन्दै सुदूरपश्चिम क्षेत्रका सीमा क्षेत्रमा निगरानी बढाइएको हो ।
सुदूरपश्चिम प्रदेश स्वास्थ्य निर्देशनालयका अनुसार यो महिना लागेपछि अहिलेसम्म भारतबाट फर्किएका ५८ जनामा कोरोना सङ्क्रमण पुष्टि भएको छ ।
भारतसँग सीमा जोडिएका सुदूरपश्चिमका झुलाघाट, पुलघाट, जौलजिवी, गड्डाचौकी र त्रिनगर नाकामा कडाइ गरिएको हो । नाकामा हेल्थडेस्क स्थापना गरेर एन्टिजेन परीक्षणको व्यवस्था गरिएको निर्देशनालयले जनाएको छ ।
