अनलाइन डबली
काठमाडौं । सिन्धुपाल्चोकको जुगल गाउँपालिका ३ बगर खोलास्थित गुम्बा गाउँ नजिकै ११ हजार भोल्टेजको हाइटेन्शन लाइन बनाउने क्रममा करेण्ट लगेर एक जनाको मृत्यु भएको छ ।
मृत्यु हुनेमा सोही ठाउँस्थित सिता हाइड्रोपावर कम्पनीमा काम गर्ने बर्दिया गुलरीया नगरपालिका ८ घर भएका २२ वर्षीय सरोज थारु रहेका छन् । उनको शनिबार साँझ घटनास्थलमै मृत्यु भएको हो ।
त्यसैगरी, गुल्मीको इस्मा गाउँपालिका १ मल्दी बस्ने ८४ वर्षीया पवित्रा खत्रीको आगलागीमा परी मृत्यु भएको छ । उनको जलेर शनिबार दिउँसो मृत्यु भएको हो ।
आफ्नै घरमा खाना पकाउने क्रममा कपडामा आगो सल्किएर गम्भीर घाइते भएकी उनको उपचारका लागि अस्पतालतर्फ लैजाने क्रममा बाटोमै मृत्यु भएको हो ।
