अनलाइन डबली
काठमाडौं । बेलायतको विदेश, कमनवेल्थ तथा विकास राज्यमन्त्री एन मरी ट्रेभेलियन नेपालमा भ्रमणका लागि आउने भएकी छन् ।
बेलायत सरकारको तर्फबाट एसिया–प्रशान्त क्षेत्र हेर्ने ट्रेभेलियन फागुन २४ देखि २६ (तीन दिने) सम्मका लागी काठमाडौं आउने भएकी हुन् ।
तीनदिनको भ्रमणमा उनले प्रधानमन्त्री पुष्पकमल दाहाल ‘प्रचण्ड’, उपप्रधान तथा अर्थमन्त्री विष्णु पौडेल र परराष्ट्रमन्त्री विमला राई पौड्यालसँग भेटवार्ता गर्ने कार्यक्रम रहेको स्रोतले जनाएको छ ।
तीनदिने भ्रमणको क्रममा एक सय वर्ष पुगेको उपलक्ष्यमा नेपालस्थित बेलायती दूतावासले एक कार्यक्रम गर्नेछ । त्यसपश्चात उनी धरान पुगेर भेट्रान गोर्खाको कार्यक्रममा पनि सहभागिता जनाउने स्रोतले जनाएको छ ।
