अनलाइन डबली
काठमाडौं । चक्रपथ सरसफाई अभियानले तीन सयौं हप्ता पूरा गरेको उपलक्ष्यमा शनिबार काठमाडौंमा रक्तदान तथा वृहत सांस्कृतिक कार्यक्रमको आयोजना गरिएको अभियान्ता किशोर सिंह शाहीले अनलाईन डबलीलाई बताएका छन् ।
कार्यक्रमका प्रमुख अतिथि नेपाल सरकारका पूर्व मुख्य सचिब लिलामणी पौडेलले बागमती सफाई र चक्रपथ साफाई अभियानलाई नमुना अभियान बनाउन सफल सबैप्रति आभार व्यक्त गरेका थिए । चीनका लागि नपाली पूर्वराजदूत समेत रहेका पौडेलले झण्डै एक दशक अघि सुरु गरिएको बागमती सफाई अभियानले अजसम्म पनि निरन्तरता पाइरहेको र त्यसको प्रेरणा चक्रपथले लिएको भन्दै खुसि समेत व्यक्त गरे ।
वागमतीमा आजपनि सफाई चलिरहेको र कञ्चन पानी नबगुन्जेल नरोकीने बताउँदै पौडेलले भने,“समाज रुपान्तरण अरुले गरिदेला भन्दा पनि हरेक व्यक्ति आफै अग्रसर हुनसकेको खण्डमा अवश्य पनि सफल र सकारात्मक परिणाम आउने कुराको उदाहरण बागमती र चक्रपथ सरसफाई अभियान हुन र जुन देशकै नमुना अभियान बन्ने छन् ।”
पौडेलले चक्रपथ सरसफाई संयोजक एल.बि.टन्डनका साथै सम्पुर्ण अभियान्ताहरुलाई हार्दिक बधाई दिनुको साथै रक्तदान गर्ने ७५ जना रक्तदाताहरुलाई प्रमाणपत्र वितरण गरेका थिए । सांस्कृतिक कार्यक्रममा गायिका मन्जु पौडेल, गायकहरु तिलक बस्नेत, सेम सेन्चुरी, अर्जुन कुवरको मिठो गायनद्वारा उपस्थित सहभागिहरु नाच्न बाध्य पारेका थिए ।
१ सय ५९ पल्ट रक्तदान गर्ने निता घिराइया र १ सय ७ पल्ट रक्तदान गर्ने राम देवि श्रेष्ठले स्वास्थ्य चेकजाँज गरेर जति धेरै रक्तदान गरियो त्यति स्वस्थ हुने अनुभव सुनाएकी थिइन । कार्यक्रमको संयोजन रोटरि क्लब अफ काठमाडौं डाउन टाउन, ब्लोदान काठमाडौं मध्य क्षेत्र र ग्रिन सिटी हस्पिटल प्रा.लि.सह आयोजनामा सम्पन्न भएको थियो ।
