अनलाइन डबली
काठमाडौं । नेपाल बीमा प्राधिकरणले लाइफ इन्स्योरेन्स कर्पोरेशन नेपाललाई हकप्रद शेयर निष्काशन गर्न स्वीकृति प्रदान गरेको छ । कम्पनीलाई पुस २१ गते बीमा प्राधिकरणले हकप्रद निष्काशन गर्न सैद्धान्तिक स्वीकृति प्रदान गरेको हो ।
कम्पनीले माघ ३ गते हकप्रद निष्काशन गर्ने प्रस्ताव पारित गर्न विशेष साधारण सभा बोलाएको छ । सभामा पारित भएपश्चात लागू हुने गरी कम्पनीले प्राधिकरणबाट हकप्रद निष्काशन गर्न सैद्धान्तिक स्वीकृति प्रदान गरेको हो ।
कम्पनीले ८८.४५१६८ प्रतिशत हकप्रद सेयर निष्काशन गर्ने प्रस्ताव गरेको छ । यस अनुसार कम्पनीले हाल कायम १ कित्ता बराबर ०.८८४५१ कित्ताका दरले हकप्रद शेयर निष्काशन गर्नेछ ।
हाल कम्पनीको चुक्ता पूँजी २ अर्ब ६५ करोड ३२ लाख रुपैैयाँ रहेको छ । त्यसको ८८ प्रतिशत अर्थात २ अर्ब ३३ करोड ४८ लाख १६ हजार रुपैयाँ बराबरको हकप्रद शेयर निष्काशन पश्चात कम्पनीको चुक्ता पूँजी ४ अर्ब ९८ करोड ८३ लाख रुपैयाँ पुग्नेछ ।
