अनलाइन डबली
काठमाडौँ । दुर्गा कालिका सेवा समाजले सुदूरपश्चिम प्रदेश सभा सदस्य अक्कल बहादुर रावललाई बधाई दिएको छ । गत मंसिर ४ गते सम्पन्न निर्वाचिनमा रावल अछाम क्षेत्र नं. २ को क बाट प्रदेशसभा सदस्यमा निर्वाचित भएका थिए ।
मंगलबार काठमाडौँको संवाद डबलीमा समाजले रावललाई बधाई तथा नयाँ कार्यकालको शुभकामना व्यक्त गरेको थियो । समाजका पदाधिकारी तथा सदस्यहरुले रावललाई खाँदा लगाएर सम्मान गरेका थिए ।
समाजका सदस्यहरुले रावललाई निर्वाचत क्षेत्रको साथै समग्र सुदूरपश्चिम प्रदेशका जनताको जनजीवनसँग जोडिएका समस्या र अपेक्षालाई सम्बोधन गर्न सुझाव दिएका थिए । युवा पंक्तिले सांसद रावलसँग ठूलो अपेक्षा गरेको भन्दै समाजका सदस्यहरुले त्यही अनुसार काम गर्न सुझाव समेत दिएका थिए ।
सांसद रावलले सबै सुझावले आफूलाई ऊर्जा प्रदान गरेको बताए । उनले पवित्र उद्देश्य राखेर समाजवको स्थापना गरिएकोमा खुशी व्यक्त गर्दै उद्देश्यमा निरन्तर अगाडि बढ्न सुझाव समेत दिए ।
“म जनयुद्धमा लाग्दै गर्दा सांसद वा नेता बनौंला भन्ने थिएन, संघर्ष र समयले यो जिम्मेवारी दिएको छ । मेरो देश र जनताको सेवा भन्दा अरु कुनै स्वार्थ छैन, तपाईँहरुका सुझावले मेरो यात्रालाई थप ऊर्जा प्रदान गरेको छ” सांसद रावलले भने ।
