काठमाडौं । चिलिमे जलविद्युत कम्पनीले सेयरधनीलाई १५ प्रतिशत लाभांश दिने भएको छ ।
कम्पनीको गत मंगलबार (मंसिर २०) बसेको सञ्चालक समितिको बैंठकले आर्थिक वर्ष २०७८/७९ मा आर्जन भएको मुनाफाबाट सेयरधनीलाई १५ प्रतिशत लाभांस दिने प्रस्ताव गरेको हो ।
कम्पनीले हाल कायम रहेको चुक्ता पूँजी ६ अर्ब ७५ करोड १७ लाख ९४ हजार रुपैयाँको १५ प्रतिशत लाभांश दिने प्रस्ताव गरेको छ । जसमध्ये कम्पनीले ७.५ प्रतिशत बोनस सेयर र ७.५ नगद सेयर वितरण गर्ने भनिएको छ ।
कम्पनीले पुस ३ गते एक दिनका लागि बुक क्लोज मिति तोकेको हो । तसर्थ पुस २ गतेसम्म नेप्सेमा कारोबार भइ कायम सेयरधनीहरु मात्र लाभांशका लागि योग्य हुनेछन् ।
कम्पनीको आगामी वार्षिक साधारण सभाले पारित गरेपछि लगानीकर्तालाई लाभांश वितरण हुनेछ ।
