सुर्खेत। हुम्लाको सर्केगाड गाउँपालिका वडा न. ३ उनपानी निवासी, हाल सुर्खेत वीरेन्द्रनगर वडा नं.९ लाटीकोइलीमा बस्ने साहिल फडेरा नाम गरेका, १६ वर्षको बालक मंसिर १२ गते देखि हराइरहेका छन्।
सुर्खेतकै एक स्कूलमा ९ कक्षा अध्ययनरत् फडेरा बिहान १० बजे बिद्यालयमा पढ्न गएका थिए । तर, अहिलेसम्म घर फिर्ता नआएको फडेराका दिदि हिमालि फडेरा बताउँछिन् ।
करिब आठ दिन अघि बिधालयको शैक्षिक भर्मण छ भन्दै बुवाआमा बाट दस हजार रुपैयाँ झिकाइएको र १२ गतेका दिन देखि सम्पर्क बिहिन भएको हो। फडेरा सुर्खेत वीरेन्द्रनगर वडा नं. ०९ लाटीकोइलीमा आफ्नी सख दिदि हिमालि फडेरासंगै बस्दै आइरहेका थिए।
बिधालय पुग्दा शिक्षिकाले ‘तपाईंको भाइ त करीब सात—आठ दिन पहिले देखिनै पढ्न नआएको ’ भन्दै जवाफ दिएको बालकका गाउँकै नाता पर्ने दिदी सबिता थापा बताउँछिन् ।
करिब ५ फिट ४ इन्च गोरो, पातलो देखिने १६ बर्षको बालक हराएको हुँदा देख्नुहुने महानुभावले नजिकैको प्रहरी कार्यालय वा ९८६३४१४७०३ मा सम्पर्क गरिदिनुहुन भनी अनलाईन डबली मिडिया मर्फत आग्रह गरेकी छिन्।
