![](https://onlinedabali.com/wp-content/uploads/2022/11/pradarshan.jpg)
काठमाडौँ । देशभर चुनावी माहोल तातेका बेला नेकपा बहुमत, नेकपा (क्रान्तिकारी माओवादी) र विप्लव नेकपासहितका पार्टी चुनाव बहिस्कार तथा खारेजी अभियान चलाएका छन् ।
यसैबीच नेकपा (क्रान्तिकारी माओवादी) निकट नेता कार्यकर्ताहरुले निर्वाचन बहिस्कारको माग गर्दै निर्वाचन आयोग अगाडि प्रदर्शन गरेका छन् ।
निर्वाचन आयोगको केन्द्रीय कार्यालय, बहादुर भवन अगाडि भएको प्रदर्शनमा प्रहरीले हस्तक्षेप गरेको छ । उनीहरुले निर्वाचन बहिष्कार गरौँ भन्दै नाराबाजी गरेका थिए ।
उपत्यका प्रहरी कार्यालयका प्रवक्ता एसपी सीताराम रिजालका अनुसार सो क्रममा ६ जनालाई पक्राउ गरि प्रहरी परिसर कार्यालय दरबारमार्गमा राखिएको छ ।