अनलाइन डबली
काठमाडौं । गत मे महिनामा काठमाडौंमा भएको अन्तराष्ट्रिय कराते प्रतिस्पर्धामा स्वर्णपदक बिजेता सर्केगाड १ जैरकी प्रमिला बुमीलाई हुम्ली युवाहरुले मंगलबार राजधानीमा अभिनन्दन गरेका छन् ।
अपर हुम्लाको नाम्खा युवा क्लब र लिमि युवा समाजले राजधानीको रामेटीमा हुम्ली युवाहरुको सवाल र त्यहाँको कला–संस्कृतिको प्रदर्शन कार्यक्रममा सम्मान गरिएको थियो । कार्यक्रमका प्रमुख अतिथि तथा कर्णाली स्वास्थ्य वज्ञान प्रतिष्ठानका उपकुलपति डा.मंगल रावल र अतिथि आधार नेपालका देशिय निर्देशक प्रल्हाद ढकालले गेल्डमेडलिस्ट बुमीलाई बधाई तथा अझै प्रगतिको लागि शुभकामना सहित खादा लगाएका थिए ।
केकुसियन काई फूल कन्ट्याक्ट करातेमा ५० केजी तौलमा खेलेकी बुमिले २०२२ मे महिनामा इनटरनेष्नल फेडरेसन आफ कराते(क्योकुसियन) एसोसियसन नेपालले काठमाडौंमा आयोजना गरेको खेलमा उनले भारतिय खेलाडीलाई जितेर स्वर्णपदक जितेकी थिइन् ।
१९ वर्षिय बुमीले हालै असोज महिनामा गण्डकी प्रदेशको राजधानी पोखरामा आयोजित ९औं राष्ट्रि खेलकुदको फूलकन्ट्याक कराते प्रतियोगितामा कास्य पदक जित्न सफल भएकी छन् । १ सयभन्दा बढी देशभरीका प्रतिस्पर्धिलाई उछिनेर तेस्रो हुन सफल बुमि कर्णाली प्रदेशबाट करातेमा नौवौं राष्ट्रिय खेलकुदमा एक मात्र विजेता हुन् । यसै वर्षको सेप्टेम्बर ९ र १० तारिखमा काठमाडौंमा आइएफकेकेले आयोजना गरेको खेलमा पनि उनले तेस्रो स्थान हासिल गरेकी थिइन् ।
