अनलाइन डबली
काठमाडौँ । चिनियाँ कम्युनिस्ट पार्टी (सिपिसी) का उच्च नेता चार दिने भ्रमणको क्रममा काठमाडौँ आइपुगेका छन् । सिपिसीका विदेश विभाग प्रमुख समेत रहेका लिउ जियानचाओ नेतृत्वको टोली आज )आइतबार) काठमाडौँ आइपुगेको हो । जियानचाओको नेतृत्वको आठ सदस्यीय भ्रमण टोलीले आजैबाट भेटवार्ता सुरु गर्ने बताइएको छ ।
एमसीसी र एसपीपीबारे कडा जवाफ दिँदै आएको चीनको भ्रमणलाई चाँसोको साथ हेरिएको छ । एमसीसी पास गरेपछि चीनको यो दोस्रो ठूलो भ्रमण हो । चैत्रमा विदेशमन्त्री विदेशमन्त्री वाङ यीले तीन दिने नेपाल भ्रमण गरेर स्वादेश फिर्ता भएका थिए । विदेशमन्त्रीको भ्रमण एमसीसी पारित भएपछि भएको थियो भने यो एसपीपी अस्वीकार गरेपछि ।
भ्रमणको क्रममा विदेश विभाग प्रमुख लिउले राष्ट्रपति विद्यादेवी भण्डारी, प्रधानमन्त्री शेरबहादुर देउवा, नेकपा माओवादी केन्द्रका अध्यक्ष प्रचण्ड, नेकपा एमाले अध्यक्ष केपी शर्मा ओलीसँग भेटवार्ता गर्ने सार्वजनिक भइसकेको छ । टोलीले अन्य साना दलका शिर्ष नेताहरुसँग पनि भेटवार्ता गर्ने स्रोतहरुका दाबी छ ।
लिउले जुनबाट मात्रै विदेश विभागको जिम्मेवारी समालेका थिए । उनी कुटनीतिक र विदेश मामिलामा निपुर्ण रहेको चिनियाँ संचारमाध्यमहरु बताउँछन् । उनको यो पहिलो नेपाल भ्रमणलाई चाँसोको साथ हेरिएको छ ।
चिनियाँ कम्युनिस्ट पार्टीका महासचिव तथा राष्ट्रपति सी जिनफिङको सन्देश बोकेर लिउ नेपाल आएको बताइएको छ । चीनले नेपालमा पश्चिमाहरुले जबरजस्तको राजनीति गरेको बताउँदै आएको छ । एमसीसीमा पनि अमेरिकाले जबरजस्त गरेर पारित गराएको बताउँदै आएको चीनले एसपीपी अस्वीकृत गरेकोमा भने धन्यवाद दिएका थिए ।
