अनलाइन डबली
काठमाडौँ । शनिबार विहानदेखि नुवाकोटस्थित त्रिशुली थ्री ए को प्रशारण लाइनमा हिँड्ने ब्यक्तिको उद्धार गर्ने प्रयास जारी रहेकाे छ । आज बिहान ९ बजेदेखि त्रिशुली थ्री ए को २ सय २० केभीको प्रशारण लाइनमा हिँडिरहेका व्यक्तिलाई नेपाली सेनाको हेलिकोप्टरको सहयोगमा उद्धारकाे प्रयास गरिएकाे हाे ।
भौगोलिक अवस्थाका कारण क्रेन प्रयोग गरेर उद्धार गर्न पनि कठिनाई रहेको थियो । उनीलाई विद्युत प्रशारण लाइनमा हिडेको देख्ने वित्तिकै स्थानीयले प्रहरीलाई खबर गरेका थिए । प्रहरीले र स्थानीले उनलाई तल झर्न गरेको आग्रह अस्वीकार गर्दै वरपर हिड्न थालेपछि समस्या पैदा भएको थियो । उनलाई तल झर्न दिएका आवश्वासन काम लागेन ।
जिल्लाबाट थप प्रहरी पठाउँदा पनि उनको उद्धार सम्भव नभएपछि हेलिकोप्टर प्रयोग गर्नु परेको थियो । करिब ७ घण्टापछि उनको उद्धार गरिएको प्रहरीले बताएको छ । स्थानीयले उनलाई भात मासु ल्याएर देखाउँदा पनि तारमै हिडिरहे । बोलाउँदा पनि निरन्तर विद्युत प्रशारण लाइनको तारमा झुन्डिएर हैरानी बनाए ।
स्थानीयका अनुसार उनले परिवारसँग झगडा गरेर बिजुलीको तारमा पुगेका थिए । स्थानीयले विद्युत प्राधिकरणलाई पनि उद्धारका लागि अनुरोध गरेका थिए ।
उद्धारकर्मीबाट भाग्ने, तर्किने गरिपछि दिनभर सो क्षेत्रमा तनाव भयो । विद्युत प्रसारण लाइन नै बन्द गरिएयो । यसबाट नेपाल विद्युत प्राधिकरणलाई करिब एक करोड घाटा पुगेको छ ।
यसरी विद्युत लाइनमा हिड्ने व्यक्ति नुवाकोटको बेलकोटगढी नगरपालिका १३ घले गाउँका माइला भनेर चिनिने प्रेम विक हुन् । उनी मानसिक रोगी रहेको स्थानीयले बताएका छन् ।
बिकले घरपरिवारमा सधैं झगडा गरिरहेन गर्थे । शनिबार विहानै पनि घरपरिवाले रिसाएपछि एकाएक विद्युत प्रसारण लाइनमा चढेका थिए । त्यसपछि गाउँमा हल्लाखल्ला भएकाे बताइएकाे छ ।
- फाेटाेः रसुवाली कविकाे फेसबुक
