अनलाइन डबली
काठमाडौँ । युक्रेनको पूर्वी क्षेत्रका महत्वपूर्ण सहर डोनबास रुसले कब्जामा गएको छ । रुसले अलग राज्यको मान्यता दिएको सो क्षेत्रमा युक्रेनी सेनाले आफ्नो सम्पूर्ण नियन्त्रण गुमाएको छ । रुसीले सेनाले मारियोपोल सहरलाई कब्जामा लिएपछि डोन्बास क्षेत्रमा हमला तेज पारेको थियो ।
रुसले डोनबासमा हमला तेज बनाएको स्वीकार गर्दै युक्रेनका राष्ट्रपति भोलोदिमिर जेलेन्सकीले उक्त क्षेत्र बसोबासका लागि अनुपयुक्त नभएको बताएका थिए । टेलिभिजनमार्फत् गरिएको सम्बोधनका क्रममा उनले पूर्वी युक्रेनका सहरहरूलाई खरानीमा परिणत गर्ने रुसको मनसाय देखिएको बताएका थिए ।
युक्रेनी सेनाले आफ्ना पकडबाट गुमाएको सो क्षेत्र असुरक्षित भएको जेलेन्स्कीले बताएको अन्तर्राष्ट्रिय संचारमाध्यमहरुले बताएका छन् । यसअघि युक्रेनी उपरक्षामन्त्रीले रुसहरूले एकैसाथ धेरै क्षेत्रमा आक्रमण गरेको र युद्धको गति झन् तीव्र हुँदै गएको बताएकी थिइन् ।
युक्रेनका विदेश मन्त्री दिमित्रो कुलेबाले देशको पूर्वी भागमा अवस्था मानिसहरूले बुझे भन्दा निकै खराब रहेको बताएका थिए ।
दिमित्रोले रुसी सेनाविरुद्ध उभिन पश्चिमा राष्ट्रहरूसँग युक्रेनलाई खासगरी एकै पटक धेरै रकेट प्रहार गर्न सकिने प्रणाली लगायतका शक्तिशाली हतियार उपलब्ध गराउन पुनः आग्रह गरेका छन् । उनले आफूलाई शक्तिशाली अस्त्रको आवश्यकता रहेको र त्यो नभएको अवस्थामा हामी रसी सेनालाई पछि धकेल्न सक्ने अवस्थामा नसक्ने बताएका थिए ।
सो क्षेत्रमा सबै मानिसहरु रुसी भाषी रहेको र उनीहरुमाथि युक्रेनले दमन गरेको भन्दै उनीहरुले विरोध गर्दै आएका थिए । डोन्बास क्षेत्रमा विगत एक दशकदेखि अलग राज्यको माग गर्दै मानिसहरु संघर्षमा छन् ।
रुसले पूर्वी क्षेत्रमा हमला तेज सँगै राजधानी किभमा पनि हमला तेज बनाएको छ । किभको बाहिरी क्षेत्रमा क्षेप्यास्त्र प्रहार भइरहेका छन् । एरपिन शहरका अधिकांश क्षेत्र पनि रुसी सेनाको नियन्त्रणमा गइसकेको छ । त्यस्तै, खार्किभमा पनि हमला जारी छन् । युक्रेनी राष्ट्रपतिले पश्चिमा देशहरुसँग अझ ठूलो संख्यामा हतियार मागेका छन् ।
डोनबास क्षेत्र नियन्त्रणमा लिनुलाई रुसको ठूलो सफलता भएको र अब राजधानी किभ कब्जाको लागि रुसी सेना अघि बढ्न सक्ने बताइएको छ ।
