News Portal

  • काठमाडौँ उपत्यकामा साउन २७ गतेसम्म निषेधाज्ञा, सभा, सम्मेलन गर्न रोक

    डबली संवाददाता२०७८ साउन १९ गते
    ५५ पटक

    काठमाडौं । काठमाडौँ उपत्यकामा जारी निषेधाज्ञा साउन २७ गतेसम्म लम्ब्याइएको छ । मंगलबार काठमाडौँका प्रमुख जिल्ला अधिकारी कालीप्रसाद पराजुलीले आदेश जारी गरेर निषेधाज्ञा साउन २७ गतेसम्म निषेधाज्ञा थप गरिएको जानकारी दिएका छन् ।

    साउन २१ गतेदेखि नयाँ निषेधाज्ञा थप हुने भएको छ । निषेधाज्ञा अवधिभर सभा, सम्मेलन, पार्टी प्यालेस, सिनेमा हल, रेष्टुरेन्ट, डान्सबार, दोहोरी, नाचघर, क्लव, स्वीमिङ पुल, मनोरञ्जन स्थान, संग्रहालय, रंगशालामा हुने दर्शक सहितको खेलकुद र मानिसको भीडभाड हुने अन्य कार्यक्रम सञ्चालन गर्न प्रतिवन्ध लगाइएको छ ।

    यस्तै खुला स्थानमा मानिसको भेला जम्मा हुन, भीडभाड गर्न, सभा, जुलुस, जात्रा, महोत्सव, भोजभत्तेर आदि गर्न पाइनेछैन ।
    नयाँ थप गरिएको निषेधाज्ञामा पनि शैक्षिक संस्थाहरुले भौतिक उपस्थितिमा पठनपाठन गर्न गराउन नपाइएने उल्लेख छ ।

    यसैबीच जिल्ला प्रशासन कार्यालय काठमाडौंले पछिल्लो समय भीडभाडजन्य क्रियाकलाप बढेको भन्दै यस्ता गतिविधि नगर्न आग्रह गरेको छ ।
    प्रमुख जिल्ला अधिकारी कालिप्रसाद पराजुलीले एक सूचना जारी गरी कोरोना संक्रमणको उच्च जोखिम रहेका बेला पनि विभिन्न सभा, सम्मेलन, धर्ना, जुलुस, गोष्ठी, ¥याली जस्ता गतिविधि भइरहेको भन्दै यसले संक्रमणदर अझै बढ्ने बताएको छ ।

    यस्ता गतिविधिले कोरोना संक्रमण दर अझ उच्च हुन गई तेस्रो लहर आउन सक्ने सम्भावना देखिएकाले स्वास्थ्य मापदण्ड विपरीत यस्ता कार्य नगर्न भनिएको छ ।

    प्रतिकृया दिनुहोस्