काठमाडौँ । अनेरास्ववियु (क्रान्तिकारी) र काठमाडौँ विद्याकुञ्ज सेकेण्डरी स्कुलबीच वार्ता भएको छ । कोरोना महामारीमा पनि अतिरिक्त कक्षाको नाममा चर्को शूल्क असुल गरिरहेको भन्दै अखिल क्रान्तिकारीले कारवाहीस्वरुप कालो झण्डा टागेको थियो ।
अभिभावकले चर्को शूल्कवृद्धिको विरोध गर्दै आएपनि स्कूल प्रशासनले सुनुवाई गरेको थिएन । तर, विप्लव नेतृत्वको नेपाल कम्युनिस्ट पार्टी निकट अखिल क्रान्तिकारी काठमाडौँले स्कूलको गेटमा कालो व्यानरसहित विरोध प्रदर्शन गरेपछि स्कूल प्रशासन वार्तामा बस्न तयार भएको थियो ।
विहीबार अखिल क्रान्तिकारीका काठमाडौँ अध्यक्षसहितका नेताहरु र स्कूल प्रशासनबीच वार्ता भएको थियो । वार्तामा अखिल क्रान्तिकारीले वृद्धि गरिएको शूल्क फिर्ता लिन र अभिभावकका माग पूरा गर्न आग्रह गरेको थियो । अभिभाकका माग पूरा गर्ने सहमति
अखिल क्रान्तिकारीका काठमाडौँ अध्यक्ष विष्टका अनुसार स्कूल प्रशासन अभिभाकका माग पूरा गर्न सहमत भएको छ । त्यसको लागि यही साउन ३ गते अभिभावक, स्कूल प्रशासन र अखिल क्रान्तिकारीबीच त्रिपक्षीय छलफल गर्ने सहमति भएको छ । वार्ताको माध्यमबाट स्कूल प्रशासन समस्या समाधान गर्न तयार भएपछि अभिभावक खुशी भएका छन् ।
स्कूल प्रशासनले आफ्ना कुरा नसुनेपछि अभिभाकले अखिल क्रान्तिकारीसँग वृद्धि गरिएको शूल्क फिर्ताको लागि पहल गरिदिन आग्रह गरेका थिए । सोही अनुसार अखिल क्रान्तिकारी काठमाडौँले विरोध प्रदर्शनसहितका कार्यक्रम गरेको थियो ।
कोभिड–१९ महामारीको संकटमा शूल्कवृद्धि, अतिरिक्त कक्षाका नाममा अभिभावकहरुबाट चर्को शूल्क असुल, स्कूल प्रशासन अभिभावकहरुसँग छलफलका निम्ति तयार नभएकोले अखिल क्रान्तिकारीले सांकेतिक कारवाही गरेको जनाएको थियो ।
