काठमाडौँ । अर्जेन्टिनी कप्तान लियोनल मेस्सी कोपा अमेरिका कपको सर्वोत्कृष्ट खेलाडी घोषित भएका छन् । त्यस्तै, ब्राजिली टीमका स्टार नेयमारलाई उत्कृष्ट खेलाडी घोषित गरिएको छ । कोपा अमेरिका कपमा यसरी दुई प्रतिस्पर्धी टीमका खेलाडीलाई संयुक्त रुपमा उत्कृष्ट खेलाडीको अवार्ड पहिलो पटक बाँडिएको हो ।
दक्षिण अमेरिकी फुटबल फेडेरेसनको प्राविधिक टोलीको अध्ययन पछि मेस्सी र नेयमारलाई संयुक्त रुपमा कोपाको सर्वोत्कृष्ट खेलाडी घोषणा गरिएको छ ।
दुई मध्ये एक खेलाडीलाई मात्रै छान्न असहज भएकाले दुवै खेलाडीलाई कोपाको सर्वोत्कृष्ट खेलाडी घोषणा गरिएको कन्मेवलले जनाएको छ । यस सिजनमा मेस्सी र नेयमार दुवैले उत्कृष्ट प्रर्दशन गरेका थिए ।
मेस्सीले सर्वोत्कृष्ट खेलाडीसँगै प्रतियोगिताको सर्वाधिक गोलकर्ताको उपाधि पनि जिते । मेस्सीले कोपाको ७ खेलमा ४ गोल र ५ असिस्ट दिएका छन् । यता नेयमारले ६ खेलमा २ गोल गर्नुका साथै ३ असिस्ट दिएका थिए ।
