News Portal

  • ब्राजिललाई हराउँदै अर्जेन्टिनाले जित्यो कोपा अमेरिकाको उपाधि, ब्राजिलको पक्षमा बाजी राख्नेको करोडौँ डुब्यो

    डबली संवाददाता२०७८ असार २७ गते
    ११७ पटक

    काठमाडौं । कोपा अमेरिकाको उपाधि अर्जेन्टिनाले जितेको छ । आज विहान भएको खेलमा ब्राजिललाई पराजित गर्दै अर्जेन्टिनाले उपाधि जितेको हो ।

    रियो दि जेनेरियोस्थित माराकाना स्टेडियममा भएको खेलमा ब्राजिल १–० गोलले पराजित भएको थियो । मेस्सी नेतृत्वको अर्जेन्टिनी फुटबलरले २८ वर्षपछि कोपा अमेरिकाको उपाधि हात पारे ।

    अर्जेन्टिनाको लागि खेलको २२ औं मिनेटमा एन्जल डि मारियाले गोल गर्दै अर्जन्टिनालाई अग्रता दिलाए । मेस्सी त्यसपछि अर्जेन्टिनालाई गोल गर्न रोक्दै उक्त गोललाई नै निर्णय बनायो । रोड्रिगो डे पउलको लामो पासमा डि मारियाले अफसाइट ट्रयाप बिट गर्दै गोलकिपरसँग वान भर्सेस वानको अवस्थामा चिप गर्दै गोल गरेका थिए ।

    सन् १९९३ मा मेक्सिकोलाई हराउँदै अर्जेन्टिनाले कोपा जितेयता २८ वर्षसम्म उपाधिविहीन थियो । यस बीचमा अर्जेन्टिनाले चार कोपा र एक विश्वकप फाइनलमा पुगे पनि पराजित भएको थियो ।

    २००४ र २००७ को फाइनलमा ब्राजिलसँग पराजित भएको अर्जेन्टिना २०१५ र २०१६ को फाइनलमा चिलीसँग पराजित भएको थियो ।

    यसैबीच ब्राजिललाई समर्थन गर्दै बाजी राख्नेहरुको लाखौं रकम डुबेको छ । प्रहरीले हिजो मात्रै ललितपुरबाट सट्टेबाजलाई नियन्त्रणमा लिएको थियो ।

    प्रतिकृया दिनुहोस्