News Portal

  • फेरि काेराेनाबाट ज्यान गुमाउेकाे संख्या बढ्याे, थप २ हजार ४२१ जना संक्रमित

    डबली संवाददाता२०७८ असार ९ गते
    ८६ पटक

    काठमाडाैं । नेपालमा काेराेना भाइरसबाट ज्यान गुमाउनेकाे संख्या फेरि बढेकाे छ । स्वास्थ्य तथा जनसंख्या मन्त्रालयका अनुसार काेराेनाबाट बुधबार थप ८१ जनाकाे ज्यान गएकाे छ । केही दिन ज्यान गुमाउनेकाे संख्या घटिरहेकाे थियाे ।

    मन्त्रालयका अनुसार पछिल्लो २४ घण्टामा नेपालमा थप २ हजार ४२१ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर विधिबाट ७ हजार ४६१ र एन्टिजेन विधिबाट ४ हजार ९५३ गरी कुल १२ हजार ४१५ जनाको परीक्षण गर्दा २ हजार ४२१ जनामा संक्रमण पुष्टि भएको हो ।

    संक्रमितमध्ये पीसीआर विधिमा १५११ र एन्टिजेनमा ९१० जनामा संक्रमण पुष्टि भएको छ । संक्रमितमध्ये काठमाडौंमा ३४६ जना, ललितपुरमा ९४ र भक्तपुरमा ५७ जना गरी कुल ४९७ जनामा संक्रमण पुष्टि भएको छ । हाल देशभर सक्रिय संक्रमित ५० हजार ५२० जना रहेका छन् ।

    सक्रिय संक्रमितमध्ये संस्थागत आइसोलेशनमा ३ हजार २३४ जना रहँदा अरु संक्रमित होम आइसोलेशनमा रहेका छन् ।

    यस्तै पछिल्लो २४ घण्टामा ३ हजार ५५८ जनाले कोरोना जितेका छन् भने पछिल्लो तथ्यांकअनुसार ८१ जना मृतक थपिएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार ५२ जनाको २४ घण्टाको अवधिमा मृत्यु भएको र अरु प्राप्त हुन बाँकी यसअघि नै तथ्यांक हो ।

    प्रतिकृया दिनुहोस्