News Portal

तयार भयो विप्लव-वैद्यसहित चार पार्टीको मोर्चा, विहीबार संयुक्त पत्रकार सम्मेलन

डबली संवाददाता२०७७ माघ २८ गते
८८ पटक

काठमाडौँ । नेपाल कम्युनिस्ट पार्टी, नेकपा (क्रान्तिकारी माओवादी)सहित चार पार्टीको संयुक्त रणनैतिक मोर्चा तयार भएको छ । मोर्चाको कार्यक्रम र नेतृत्वबारे टुंगो लागेको छ ।

विप्लव नेतृत्वको नेकपा र वैद्य नेतृत्वमा क्रान्तिकारी माओवादीसँगै मोर्चामा ऋषि कट्टेलले नेतृत्व गरेको नेपाल कम्युनिस्ट पार्टी, विश्वभक्त दुलालले नेतृत्व गरेको वैज्ञानिक समाजवादी पार्टी पनि सहभागी छन् । चारै पार्टीका शिर्ष नेताहरुले मोर्चाको आगामी कार्यक्रम र सांगठानिक संरचनाको टुंगो लगाएका छन् । क्रान्तिकारी ध्रुविकरणको पहलकदमी लिने र वर्तमान संसदीय व्यवस्थाको विरोधी मोर्चाबन्दी गर्न मोर्चा तयार गरिएको नेताहरुले बताएका छन् ।

चारै पार्टीले संयुक्त रुपमा मोर्चाको आगामी कार्यक्रम र स्वरुपबारे लामो छलफल र गृहकार्य गरिरहेका थिए । एक नेताका अनुसार मोर्चा विस्तार गर्दै जाने पनि निर्णय भएको छ । संसदीय व्यवस्था विरोधी, देशभक्त, राष्ट्रवादी पार्टी, राजनीतिक संगठन र समूहलाई मोर्चामा गोलबन्द गरिनेछ ।

मोर्चाको मुल उद्देश्यले जनवाद, वैज्ञानिक समाजवाद स्थापना गर्ने हुनेमा चारै पार्टीका शिर्ष नेताहरु सहमत भएका छन् ।
नेकपामाथिको प्रतिबन्द हटाउन, राष्ट्रियता, जनजीवीकाका मुद्धालगायत विषयमा संयुक्त रुपमा सडक संघर्ष गर्ने मोर्चाले निर्णय गरेको छ ।

प्रतिकृया दिनुहोस्