काठमाडौं । नेपाल कम्युनिस्ट पार्टी (माओवादी केन्द्र)का अध्यक्ष कर्णजीत बुढाथोकी ‘शुसील’ ले संसद पुनःस्थान र चुनाव निकास नभएको भन्दै राजनीतिक जनपरामर्श सम्मेलन गर्नुपर्ने बताए ।
‘संसद् पुनःस्थानपना वा चुनाव दुबै अबको विकल्प होइनन्, अबको निकासको विकल्प हामीसँग छ, त्यो हो राजनीतिक जनपरामर्श सम्मेन । यसमा अहिले संसद् पुनःस्थापनाको माग गर्ने र चुनाव भन्दै हिड्नेहरु मात्रै होइन, विप्लवले नेतृत्व गरेको नेकपा पनि सहभागी भएर अबको निकासबारे छलफल गर्नुपर्छ’ शुसिलले भने ।
क्रान्तिकारी पत्रकार संगठनले आइतबार संवाद डबलीमा आयोजना गरेको कार्यक्रममा बोल्दै शुसीलले अहिलेकै अवस्थामा संसद् पुनःस्थाना वा चुनाव भएपनि जनताका अधिकारी झन् खोसिने बताए । उनले प्रचण्ड-नेपाल र अन्य राजनीतिक पार्टीले संसद् पुनःस्थनाको मागको कुनै औचित्य नभएको समेत बताए । त्यस्तै प्रधानमन्त्री केपी शर्मा ओलीले चुनाव गर्न नसक्ने र गरेपनि प्रतिगमन झन् बढ्दै संविधानमा ग्यारेण्टी गरिएका अधिकारसमेत जनताले नपाउने बताए ।
जनयुद्ध लडेर आएको ठूलो शक्तिले अहिलेको सत्ता राजनीतिभन्दा बाहिर रहेको भन्दै अध्यक्ष शुसीलले राजनीतिक निकास सही ढंगले गर्न तयार नभए फेरि वि.द्रोह हुने चेतावनी दिए । उनले नेताहरु राजनीतिक अग्रगामी राजनीतिक निकासको लागि सही ढंगबाट छलफल गर्न तयार नभए तयार त्यसको परिणाम गम्भीर हुने बताए ।
जनयुद्ध र जनआन्दोलनमा गरेको बलिदानले आएको परिवर्तनलाई आफ्नो व्यक्तिगत स्वार्थमा प्रयोग गरेकोले समस्या भएको बताउँदै नेताहरुका कारण पार्टीहरु विभाजित हुने गरेको बताउँदै शुसीलले नयाँ प्रणालीमा विकास गर्नुपर्ने बताए ।
