News Portal

भोलि नेकपाको नेपाल बन्द, काठमाडौँसहित देशभर मशाल जुलुस

डबली संवाददाता२०७७ माघ ९ गते
१२० पटक

काठमाडौँ । नेपाल बन्दको पूर्वसन्ध्यामा नेपाल कम्युनिस्ट पार्टीले काठमाडौँसहित देशभर मशाल जुलुस निकालेको छ । पार्टीका केन्द्रीय सचिवालय सदस्य धमेन्द्र बाँस्तोलाको गि रफ्तारीविरुद्ध नेकपाले भोलि (शनिबार) नेपाल बन्दको घोषणा गरेको थियो ।

पार्टीका महासचिव विप्लवले विज्ञप्ति नकिालेर चरणबद्ध संघर्षका कार्यक्रमसहित माघ १० गते नेपाल बन्दको घोषणा गरेका थिए । घोषित कार्यक्रमअनुसार नेकपाका नेता कार्यकर्ताहरुले आज साँझ देशभर मशाल जुलुस निकालेका हुन् ।

काठमाडौँको कोटेश्वर, पेप्शीकोला, किर्तीपुर, शंकरापुर, टोखालगायतका ठाउँहरुमा नेकपाका कार्यकर्ता तथा समर्थकहरुले मशाल जुलुस निकालेको नेकपाले जनाएको छ ।

त्यसैगरी नेकपाका कार्यकर्ताहरुले कैलाली, अछाम, डोटी, कास्की, नपलपरासी, पाल्पा, गुल्मी, रोल्पा, रुकुम, दाङसहित देशभका विभिन्न स्थानमा साँझ मशाल जुलुस निकालेका छन् । उनीहरुले सरकारविरुद्ध चर्का नाराबाजी समेत गरेका छन् ।

प्रहरीले बाँस्तोलालाई पुस २९ गते दिउँसो ललितपुर र मकवानपुर सीमा क्षेत्रबाट गि रफ्तार गरेको थियो । त्यसलगत्तै महासचिव विप्लवले विज्ञप्ति निकालेर त्यसको विरोध जनाएका थिए ।

विज्ञप्तिमा नेता कार्यकर्ता गिरफ्तारीले क्रान्तिकारीआन्दोलन रोक्ने सरकारको चेष्टा पूरा नहुने बताएका थिए । माघ ३ गतेदेखि विरोधमा संघर्षका कार्यक्रम घोषणा गरिएको थियो ।

ललितपुर प्रहरी परिसरमा राखिएको बाँस्तोलामाथि विभिन्न झुट्टा मुद्दा  लगाइएको छ ।

प्रतिकृया दिनुहोस्